Mere liye hi churai hai

Kuch lamho se chunkar lai hai,Ye jindagi,tujhe mere liye hi khudse churai hai..
Kabhi kinaaro par,to kbhi ret ke daaman se lipti kitni yaade sang lai hai..
Tere hi kadmo ki aahte thi o,tabhi to ye sadiya bhi fursato se hokar aai hai..

Tere saanso ki vo shararte thi,jo  tere hotho se hokar mujhe istarh bhingoti thi.. 

Aaj bhi tera ek khayal,mujhe baadlo se bundo ki tarah girata hai,Najane istarah,kitne sehrao ki pyaas bujhata hai..

Jindagi ki sau parchhaiyo me tera ek saaya,mere sang harpal chalta hai,jo meri aankho me aaine ki tarah jalta hai..

Kisi shaam ka noor ho to khudpar odh lena,kal subah ki pahli kiran se aakar meri madham jindagi ko roshani dejana..

Jab dhundhli hone lage meri yaade,yunhi sukhe patto ki tarah,

to raat ko sardiyo ki os banker meri pyaas bujha dena,

Han meri yaado ko apni baaho ki sheetalta se fir se ek baar jaga dena…